Valyuta kursları

Valyuta Alış Satış
USD 0.785 0.788
EUR 0.99 1.02
RUR 0.024 0.0255
 

Kassa xidmətləri

Kifayət qədər zəngin tarixi təcrübəyə  malik olan Deka-Bank qabaqcıl texnologiyalardan istifadə edərək paytaxt Bakıda və regionlarda yerləşən filialları vasitəsilə rezident və qeyri-rezident hüquqi şəxslərə, həmçinin sahibkar fiziki şəxslərə   kompleks hesablaşma-kassa xidmətləri göstərir. Respublika daxilində və Respublika xaricində dünya miqyaslı aparıcı banklarla olan sıx müxbir əlaqələrimiz,beynəlxalq elektron ödəniş sistemlərinin( S.W.I.F.T.və XÖHKS) üzvü olmağımız bizə hesablaşma-kassa xidmətlərini daha operativ və səmərəli həyata keçirməyimizə imkan verir.

Deka-Bank  manat və xarici valyutada aşağıdakı hesablaşma-kassa xidmətlərini təklif edir:

  • Cari hesabların açılması – Milli və xarici valyutada
  • Milli və xarici valyutada hesablaşmalar(ödəniş tapşırığı,inkasso tapşırığı,sənədli akkreditiv və s.) 
  • Nağd pul vəsaitlərinin verilməsi, qəbul edilməsi və hesaba daxil edilməsi
  • Bank köçürmələrinin həyata keçirilməsi – Azərbaycan daxilində və xarici ölkələrə
  • Aparılmış əməliyyatlar və hesab üzrə arayış və çıxarışların, ödəmə sənədlərinin surətinin verilməsi
  • Konvertasiya əməliyyatları – digər valyutanın alışı və satışı
  • Bank əməliyyatları üzrə məsləhətlərin verilməsi
  • İnkassasiya– müştərinin nağd vəsaitinin bir ünvandan digər ünvana daşınması

Hüquqi şəxslər(müəssisələr,şirkətlər) hesablaşma-hesabı açmaq üçün Bankımızın hər-hansı bir filialına müraciət edərək aşağıdakı lazımi sənədləri təqdim etməlidir:

  • Hesabın açılması üçün Ərizə
  • Müəssisənin nizamnaməsinin notarial qaydada təsdiq olunmuş surəti
  • Müəssisənin Dövlət Qeydiyyatı haqqında Şəhadətnaməsinin notarial qaydada təsdiq edilmiş surəti
  •  Səlahiyyətli dövlət orqanı tərəfindən verilmiş Hüquqi Şəxslərin Dövlət Reyestrindən çıxarışının notarial qaydada təsdiq edilmiş surəti
  • Azərbaycan Respublikası Vergilər Nazirliyindən verilən hesabın açılması haqqında şəhadətnamə-dublikatın əsli
  • Müəssisənin rəhbərinin və baş mühasibinin işə təyinatı barədə əmrdən çıxarış
  • Xarici və Milli valyuta ilə hesablaşma-kassa xidmətlərinin göstərilməsinə dair müqavilə(müqavilənin nümunəsini bank təqdim edir)
  • Müəssisənin rəhbərinin və baş mühasibinin şəxsiyyətini təsdiq edən sənədlər
  • İmza və möhür nümunələri olan vərəqənin notarial qaydada təsdiq edilmiş surəti
  • VÖEN-nin surəti

Qeyri-rezident hüquqi şəxslər cari hesabın açılması üçün aşağıdakı sənədləri (leqallaşdırılmış və Azərbaycan dilinə tərcüməsi notarial qaydada təsdiq edilmiş formada) təqdim etməlidir:

  • Baş nümayəndənin adına verilmiş etibarnamə
  • Baş ofisin nizamnaməsi və qeydiyyat şəhadətnaməsi
  • Baş ofisin filialı və ya nümayəndəliyinin açılması haqqında qərarı

Sahibkarlıq fəaliyyəti ilə məşğul olan fiziki şəxslər cari hesabın açılması üçün aşağıdakı sənədləri təqdim etməlidir:

  • Hesabın açılması üçün Ərizə
  • Şəxsiyyətini təsdiq edən sənəd
  • Müvafiq vergi orqanı tərəfindən verilmiş şəhadətnamə-dublikatın əsli
  • İmza və möhür nümunələri olan vərəqənin notarial qaydada təsdiq edilmiş surəti
  • VÖEN-nin surəti